2025 жылғы 4-5 наурыз күндері Павлодар облысы білім беру басқармасының Білім беруді дамытудың инновациялық орталығы «Жаңа мектепке – жаңашыл ұстаз» республикалық конкурсының облыстық кезеңін өткізді. Конкурсқа еңбек өтілі 3 жылға дейінгі 42 жас маман қатысты.
Аталған іс-шара жас педагогтердің шығармашылық әлеуетін арттыру, олардың инновациялық қызметін дамыту, шығармашылық шеберліктерін арттыруға арналған және Қазақстан Республикасының білім беру мекемелерінде бекіту үшін жағдай жасау.
Конкурстың бірінші кезеңінде Павлодар қаласының Әлихан Бөкейхан атындағы лицей-мектебі және Аманжол Шәмкенов атындағы лицей-мектебі базасында педагогтер 5-9 сыныптарда ашық сабақтар берді.
Екінші кезеңде қатысушылар «Шығармашылық жолдың бастауы» тақырыбында өз презентацияларын ұсынды.
Конкурстың үшінші кезеңінде қазылар алқасы қатысушылардың «Жаңа мектепке – жаңашыл ұстаз» тақырыбындағы эсселерін бағалады.
КОНКУРСТЫҢ ҚОРЫТЫНДЫСЫ:
І орын – Павлодар қаласының №41 дене шынықтыру-сауықтыру бағытындағы жалпы орта білім беру бейіндік мектебінің тарих пәнінің мұғалімі Ауталипов Нияз Ерболович;
ІІ орын – Павлодар қаласының Мұзафар Әлімбаев атындағы жалпы орта білім беру мектебінің физика пәнінің мұғалімі Ахылбек Нұрсұлтан;
ІІІ орын – Баянауыл ауданының Майқайың кентінің М.Әуезов атындағы жалпы орта білім беру мектебінің химия пәнінің мұғалімі Алимова Мавжуда Анарбайқызы.
2025 жылғы 14 - 18 сәуір аралығында «Балдәурен» РОСО РМҚК базасында (Ақмола облысы Щучинск қ.) ҚР ОАМ қолдауымен «Жаңа мектепке – жаңашыл ұстаз» конкурсының республикалық кезеңі өтеді.
Павлодар облысын облыстық кезеңде жүлделі орындар иеленген жас мамандар қорғайтын болады.
Посмотреть новость на сайте учреждения
